Avropa Birliyi Google şirkətini 1,49 milyard avro cərimələdi
Avropa Birliyi (AB) Rəqabət Komissiyası, Amerikanın Alphabet şirkətinin dünyaca ən böyük axtarış sistemi olan Google şirkətini rəqib şirkətlərin reklamlarının süni əngəlləməsi səbəbi ilə 1,49 milyard avro dəyəində cərimə etdi.
Beləliklə də, Google AB-dəki fəaliyyətinə görə son iki ildə üç dəfə, ümumilikdə 8,21 milyard avro dəyəində cərimə olundu.
İttihama əsasən 2006 və 2016-cı illər arasında AdSense ilə xidmət göstərən Google öz reklam bazarın üstünlüyündən sui-istifadə edərək üçüncü tərəf rəqiblərin nümayiş etdirdiyi axtarış elanların qarşısını aldığı bildirilir. Şirkət üçüncü tərəflə anlaşaraq Adsense ilə müqavilələri süni şəkildə dəyişdirərək reklam göstərmək üçün onlara daha çox yer verəcəyini açıqlamışdı.
Avropa Komissarı Margrethe Vestager bildirdiyi ittihamda Google’un Aİ-nin antiinhisar qanunlarına qarşı çıxdığını açıqladı.
Alphabet firması gəlirlərinin böyük hissəsini AdSense reklamları vasitəsilə qazanır. Google 2018-ci ildə vergilər istisna olmaqla bu sahədən 30,7 milyard dollar gəlir əldə etdi.
Qeyd edək ki, Google, 2017-ci ildə rəqiblər üçün qiymət müqayisəsi saytlarını blokladığına görə 2.42 milyard dollar, 2018-ci ildə Android əməliyyat sistemi rəqiblərinə süni maneə yaratdığı üçün idə 4.34 milyard dollar dəyərində cərimələnmişdir.
